فیصل آباد میں سیلز گرل پر تشدد کا واقعہ اور مریم نواز کا سخت موقف: ’تھپڑ کے جواب میں تھپڑ‘ زیرِ بحث کیوں؟

پنجاب کی وزیرِ اعلیٰ مریم نواز کی جانب سے شیئر کی گئی ایک ویڈیو، جس میں فیصل آباد میں تشدد کا نشانہ بننے والی دکان کی ملازمہ کو زیرِ حراست ملزم پر تھپڑ مارتے دکھایا گیا، سوشل میڈیا پر بحث کا موضوع بن گئی ہے۔ مریم نواز نے اس اقدام کو کمزور اور مظلوم افراد کے تحفظ سے جوڑا، جبکہ ناقدین نے سوال اٹھایا کہ آیا پولیس حراست میں کسی ملزم کی عوامی تذلیل قانون کی حکمرانی کے اصولوں کے مطابق ہے یا نہیں۔